Derûdorê camîya Pîle yê Dîyarbekirî de zaf însanê tamaşey estî. Yew cinêr zî ê merdiman ra beno ke sereyê ey de şaşike esta û erdîşa ey derge bena. Ê ke temaşa kenî, vanî qey alimêko pîl o.

Cinirê ma, rojêk nêreseno nimajê taştereyî (nêmrojî) ser. Bê ey sewbîna însanî zî nimaj ra erey manenî û semedo ke alimêke maneno ti ra vanî:

- Ma rê nimajê taşterî bike, yanî ma tabiê to bî.

Camêrdê ma yo cinêr di rekatî nimajê taştereyî keno û silam dano. Badê nimajî cemat vano:

- To xelet kerd, gerek to çar rekatî bikerdê.

Cinêr zaf hêrs beno û vano:

- Di rekatî nimajê taştereyî zêdeyê sereyê şima yo, haydên karê xo!

Yew merdimo ke, cinêr û cematî şinasneno, dekeweno mîyanê înan. Vano:

- Teşxele mekên, şima yew cinêrî dima nimaj kerdo, şima ey ra vanî se?

Nê şîretê reyra hêşarê xo benî, agêrenê nimajê xo îade kenî.